கீதையில் சில சொற்றொடர்கள் - 56

ॐ

கீதையில் சில சொற்றொடர்கள் - 56

आत्मैवात्मना  जितः बन्धुः  ।  (अध्याय ६ - श्लोक ६)
ஆத்மைவாத்மனா ஜிதஹ்  பந்துஹு  ... (அத்யாயம் 6 - ஶ்லோகம் 6)
Aatmaivaatmanaa jitah  Bandhuhu ...  (Chapter 6 - Shloka 6)

அர்தம் :  தன்னைத் தானே ஜயித்தவனே  தனக்கு நண்பன் ...

பந்துஹு ஆத்மைவாத்மனா  ஜிதஹ்  ...  பந்து என்றால் மித்ரன் அல்லது நண்பன் .  ஜிதஹ்  என்றால் ஜயித்தவன் , வஶப்படுத்தியவன் ...  ஆத்மைவாத்மனா  என்றால்  தன்னைத்தானே ...

தன்னைத்தானே ஜயித்தவன் என்றால் ஶரீரத்தை ஜயித்தவன் ?  ஶரீரத்தை வஶபடுத்தியவன்  ?  நம்மிடம் உள்ள ஶரீரம் நாம் விரும்பும் வகையில் நடந்து கொள்கிறதா ?  நாம் நிர்ணயத்திடும் கார்யங்களைச் செய்திடுகிறதா ?  ஒரு இடத்தில் இருந்திடு  என்றால் இருக்கிறதா ?  அவஶ்யம் அற்ற அஸைவுகள் வேண்டாம் என்றால் கேட்கிறதா ?  கனத்த ஶரீரமாக இருப்பத்தால் மாடிப்படி ஏற முடியவில்லை .  கீழே உட்கார முடியவில்லை .  பெரும் தொப்பை இருப்பதால் கீழே குனிய முடியவில்லை .  மூச்சு முட்டுவதால் கார்யங்களைத் தொடர்ந்து செய்ய முடியவில்லை .  கை தன் இஷ்டத்திற்கு அரிப்பு இல்லாமலே சொறிந்து கொள்கிறது .  மூக்கையோ பல்லையோ நோண்டுகிறது .  தலை மயிறுடன் விளையாடுகிறது .  பாதமும் தொடையும் தம் இஷ்டத்திற்கு ஆடுகின்றன .  டீ வீயில் ஆன்மீக ப்ரஸங்கம் செய்திடும் ஒருவரது மிக வேகமாக ஆடிடும் பாதம் நம் கவனத்தை அவரது ப்ரஸங்கத்தில் இருந்து திஶை மாற்றிடும் .

ஶரீரம் ஆத்யம் கலு தர்ம ஸாதனம் .. (शरीरं आद्यं खलु धर्म साधनम् )  ஶரீரம் ஒரு கருவி .  தர்ம மய வாழ்க்கையை நாம் வாழ்ந்திட , தர்மத்தைக் காப்பதற்கு நம் ஶரீரம் நம்மிடம் ஒப்படைக்கப்பட்ட ஒரு கருவி ஆகும் .  கருவி நம் வஶத்தில் இருக்க வேண்டும் .  நாம் விரும்பும் கார்யங்களை , நாம் கட்டளையாக அதற்குப் பணித்திடும் கார்யங்களை  முழுத் திறனுடன் செய்திடும் கருவி ஆக வேண்டும் .

பந்துஹு ஆத்மைவாத்மனா  ஜிதஹ் .  தன்னைத்தானே ஜயித்தவன் , வஶப்படுத்தியவன் .  தன்னைத்தானே என்றால் இந்த்ரியங்களை  ஜயித்தவன் ?  இந்த்ரியங்களை வஶபடுத்தியவன்  ?  கண்கள் நாம் விரும்பிய விஷயத்தை மாத்ரம்  பார்க்கின்றனவா ?  காதுகள் நாம் புரிந்து கொள்ள விரும்பும் விஷயத்தை மாத்ரம் கேட்கின்றனவா ?  நாக்கு நமக்கு ஹிதம் தரும் ருசிகளை மாத்ரம் நாடுகிறதா ?  இந்த்ரியங்கள் நாம் விரும்பாத விஷயங்களை , நமக்கு நலன் பயக்காத விஷயங்களை புறக்கணிக்கின்றனவா ?

ஆறாவது இந்த்ரியமான மனஸ் இங்கங்கு அலைந்திடாமல் இருக்கிறதா ?  நாம் விரும்பும் விஷயத்தில் குவிகிறதா ?  பயம் , காமம் , க்ரோதம் போன்ற உணர்வுகளில் திளைத்து , அலைக்கழிக்கப்பட்டு நம்மை கை வஶக் கார்யத்தில் இருந்து , திஶை திருப்புகிறதா ?

சிந்தனை நம் வஶப்பட்டுள்ளதா ?  உபயோகமான சிந்தனையில் இருந்து தடம் மாறி , கனவு காணுதல் , கவலைக் கொள்ளுதல் , வருத்தம் அடைதல் போன்றவற்றில் மூழ்கி விடுகிறதா ?

இவை நமக்கு வஶப்பட்டால் , அவைற்றின் மீது நாம் பூர்ண வெற்றி பெற்றால் , நாம் ஆத்மைவாத்மனா ஜிதஹ ...  இத்தகையவனே தனக்கு நண்பன் .